వరంగల్: వరంగల్ జిల్లా కేంద్రంలోని ఎల్బీనగర్ లో ప్రభుత్వం ఆధ్వర్యంలో నిర్వహించిన కార్యక్రమంలో మంత్రి కొండా సురేఖ పాల్గొన్నారు. అబ్నుస్ ఫంక్షన్ హాల్లో అధికారికంగా నిర్వహించిన ప్రీ క్రిస్మస్ వేడుకల లో ముఖ్య అతిథిగా హాజరైన కేక్ కట్ చేశారు. అనంతరం అవసరార్థులకు దుస్తులు పంపిణీ చేసి ప్రత్యేక ప్రార్థనలో పాల్గొన్నారు. ఈ కార్యక్రమంలో వరంగల్ జిల్లా కలెక్టర్ , అడిషనల్ కలెక్టర్ పాల్గొన్నారు.

వరంగల్: పాఠాలు చెప్పి మంచి మార్గం చూపించాల్సిన ఛైర్మన్ వంకర బుద్ది చూపించాడు. హాస్టల్ లో విద్యార్థులు నిద్రిస్తుండగా అర్ధరాత్రి వాళ్ల గదుల్లోకి వెళ్లి అత్యాచారం చేయబోయాడు. నిద్రలేచిన స్టూడెంట్ అరచి కేకలు వేయడంతో వారిని బెదిరించి అక్కడి నుంచి వెళ్లిపోయాడు. హన్మకొండ జిల్లా భీమారం లో ఉన్న ఓ కాలేజీలో జరిగిన నిర్వాకం ఇది. ఈ విషయాన్ని బాధితురాలు ఫోన్ ద్వారా తల్లిదండ్రులకు చెప్పడంతో తెల్లవారి వారు హాస్టల్ కు చేరుకున్నారు. కూతురితో కలిసి వెళ్లి పోలీసులకు ఫిర్యాదు చేశారు. నిందితుడిని వెంటనే అరెస్టు చేయాలని డిమాండ్ చేస్తూ స్టేషన్ వద్ద ఆందోళనకు దిగారు. అయితే, సురేందర్ గౌడ్ అప్పటికే పరారయ్యాడని సమాచారం. నిందితుడి కోసం గాలింపు చర్యలు చేపట్టామని, త్వరలోనే అరెస్టు చేస్తామని పోలీసులు తెలిపారు.