మంచిర్యాల: కళ్యాణిఖని మెగా ఓసీపీలో ఇండ్లు భూములు కోల్పోయిన నిర్వాసి తుల కోసం నిర్మిస్తున్న ఆర్‌అండ్‌ఆర్‌ కాలనీ నిర్మాణ పనులను సకాలంలో పూర్తి చేస్తామని ఎమ్మెల్యే గడ్డం వినోద్‌వెంకటస్వామి అన్నారు. ఆదివారం దుబ్బగూడెం ఆర్‌అండ్‌ఆర్‌ కాలనీ నిర్మాణ పను లను పరిశీలించారు. ఆయన మాట్లాడుతూ కళ్యాణి ఖని ఓసీపీలో ఇండ్లు కోల్పోయిన దుబ్బగూడెం వాసుల కోసం పెద్దనపల్లి శివారు ప్రాంతంలో మోడల్‌ కాలనీ ఇండ్ల నిర్మాణాలను చేపడుతున్నట్లు వివరించారు. ఇండ్లను సకాలంలో పూర్తి చేసి అర్హులైన వారికి న్యాయం చేస్తా మన్నారు. నిర్మాణ పనుల్లో వేగం పెంచాలని అధికారులకు సూచించారు. నాణ్యత లోపం లేకుండా పనులను ఎప్పటికప్పుడు పరిశీలించారు. కాంగ్రెస్‌ మండల అధ్యక్షుడు రత్నం ప్రదీప్‌, నాయకులు రామకృష్ణ, శ్రీనివాస్‌, రాజు తదితరులు పాల్గొన్నారు.